CJAMINANT TE STORIE. I tesaurs di S. Vit dal Tiliment.

La Patrie dal Friul, giugno 2013, Venusia Dominici e Giovanni Filippo Rosset.

Chest an o vin volût vierzi une gnove rubriche par presentâ dutis chês realtâts archeologjichis dal Friûl che, magari cussì no, a son mancul cognossudis ma no par chest mancul impuartantis. Par fâ chest o vin domandât la colaborazion de Societât Furlane di Archeologjie che dal 1989 si impegne cetant su dut il teritori par valorizâ e promovi il nestri patrimoni culturâl.

La zone di S. Vît dal Tiliment e je siore di olmis archeologjichis di diviersis epochis che a van de ete preistoriche fint al periodi roman e rinassimentâl. Cheste bondance di insediaments e je stade favoride ancje in gracie de presince di aghis di risultive che fin dai timps plui antîcs e à permetût al om di cjatâ un puest otimâl pe coltivazion e pe sô sussistence. No bisugne dismenteâ po dopo che, come che o vin ricuardât in altris ocasions, la zone dal Friûl e je simpri stade favoride de posizion strategjiche tant che linie di passaç pes areis alpinis e pont di colegament tra il mont italic e centri europeu.

Leggi l'intero articolo in "La Patrie dal Friul", alla pagina, vai >>>